Balafirên Turkiyê 3 sivîl li Dirbêsiyê birîndar kirin
Welat TV - Hewlêr
Li bajarê Dirbêsiyê yê Rojavayê Kurdistanê, balafirên Turkiyê îro 14ê Çileya 2024an, 3 welatiyên sivîl birîndar kirin.
Ajansa Hawar a nêzîkî rêveberiya PYDê got: Li gundê Kirbetlî yê Dirbêsiyê, mala sivîlekî hate armanckirin, di encamê de 3 welatî birîndar bûn.
Weke ajansê daye diyarkirin: Her du zarok Can û Rocan Xalid Hiso, û jina kurd Ehlam Ebdulrezaq birîndar bûn.
Ji aliyê xwe ve jêderekê ji bajêr tekez kir: Navenda dabeşkirina xwarinê, li navenda bajêr hate armanckirin.
Ji sibehê ve balafirên Turkiyê bajarê Kabaniyê, gundewarê wê û Dirbêsiyê armanc dike.
Li gorî şopandina Welat TV, 7 cihên xizmetguzarî û leşkerî li Kobaniyê îro hatin bobebarankirin.
Rêveberiya PYDê di daxuyaniyekê de ragihand ku westgeha elektirîkê li Kobaniyê ku jêdera bajarê Kobaniyê û gundên wê ye, ji ber êrîşan ji kar ket.
