Li Rojavayê Kurdistanê werzê çandina dar û şitlan e

Welat TV - Hewlêr

Li Rojavayê Kurdistanê dema çandina dar, gul û kulîlkan e. Xelk ji bo ku hewşên xwe bi gul û şînkayî bixemilînin, berê xwe didin meştelan.

Çandina gul û daran, Ji bo hin kesên ku ji siruştê hez dikin sebir û kêfek e û bihna wan pê derdikeve.

Li meştelan gelek cureyên dar û gulan tên firotin, lê di dema niha de ên ku zêdetir têne kirîn, cureyên werzê havînê ne.

Xwediyên meştelan di kîsên taybet de bizir diçînin, û piştî demekê dibe şitil

Li gorî xwediyê meştelan, nirxên şitlan ne gelek buha ne û zêdebûn û kêmbûna nerx li ser cure dimîne. 

Ismaîl Iqsan ku xwediyê meşteleke li bajarê Qamişlo ye, ji Welat TV re dibêje ku gelek sûdê çandina daran hene û dara şîn hewayê paqij dihêle û hînkayîyê çêdike.

Kurd bi hezkirina xwe ya ji çandiniyê re tên naskirin, ji ber ku  piraniya wan li gundan jiyane. Û tevî ku bajarên wan ji aliyê desthilatan ve dihatin paşguhkirin, lê herî kêm her malkê darek diçand.