Nêçîrvan Barzanî û Tomas Seiler rewşa Sûriyê gotûbêj kir

Welat TV - Hewlêr

Serokê Herêma Kurdistanê Nêçîrvan Barzanî û Serokê Şanda Yekîtiya Ewropayê li Iraqê Tomas Seiler pêwendiyên dualî û rewşa Sûriyê gotûbêj kirin.

Îro 29ê Nîsana 2025an, Serokê Herêma Kurdistanê pêşwazî li Serokê Şanda Yekîtiya Ewropayê li Iraqê kir.

*Bihêzkirina hevkarî û hemahingiyê

Li gorî daxuyaniyekê ji Serokatiya Herêma Kurdistanê, di civînê de peywendiyên dualî û bihêzkirina hevkarî û hemahingiya hevbeş hatin gotûbêjkirin.

*Bihêzkirina peywendiyan

Nêçîrvan Barzanî tekezî li ser girîngiya rola Yekîtiya Ewropayê ya piştgir ji aramiyê re û berdewamiya bihêzkirina peywendiyan bi Iraqê û Herêma Kurdistanê re kir.

*Berdewamiya piştgiriya Herêma Kurdistanê 

Ji aliyê xwe ve, Tomas Seiler tekezî li ser pabendiya Yekîtiya Ewropayê bi berdewamiya piştgiriya Iraqê û Herêma Kurdistanê re kir, her weha spas û pêzanîna xwe ji bo rola Herêma Kurdistanê di bicihkirina aramiyê û pêkvejiyana aştiyane de, derbirandin. 

Rewşa Sûriyê û herêmî bi giştî, mijareke din a civînê bû.