Çilrojiya helbestvanê Kurd Mûsa Zaxoranî hat lidarxistin
Welat TV - Hewlêr
Yekîtiya Nivîskarên Kurdistan Sûriya çilrojiya nivîskar û helbestvanê Kurd Mûsa Zaxoranî li dar xist.
Merasîmên çilrojiya Mûsa Zaxoranî, li hola Soz a konferansan li kampa Domîz a penaberên Rojavayê Kurdisstanê li parêzgeha Duhokê, demjimêr 06:30 êvarê bi beşdarbûna serkirdayetiya Partiya Demokrata Kurdistanî - Sûriya, Nivîskar, Rewşwnbîr û cewmawerên Kurd bi rê ve çûn.
Di merasîman de, hejmarek gotin li ser jiyan û xebata Mûsa Zaxoranî ya rewşenbîrî hatin pêşkêşkirin, ji aliyê xwe ve malbata Zaxoranî spasiya beşdarbûyan kir û di dawiyê de filîmeke documenterî li ser jiyana wî hate nimayîşkirin.
Kurtejiyana Helbestvan Zaxoranî:
- Zaxoranî sala 1955an li gundê Eletfiyê li Rojhilatê bajarê Qamişlo yê Rojavayê Kurdistanê ji dayîk bûye.
- Sala 1973yan, bawernameya lîsê - beşê zanistî wergirt.
- Li gel şehîd Miş´l Temo Kovara ”Deng” damezrand.
- Di hejmarek Rojname û Kovar de nivîsiye wek: (Metîn - Stêr - Gelewêj- Xebat- Birayetî- Peyman) û Kovara “Rewşen” li Zaxo.
- Bo heyama çend salan, sernivîserê Kovara “Stêr” a kurd bû, di 2007an de, bû endamê Komîta Mihrecana Helbesta Kurdî li Sûriyê her weha yek ji damezrînerê Kocka Qamişlo ya rewşenbîrî bû.
- Xelata Helbestvan Mela Nûrî Hesarî ji aliyê Yekîtiya Giştî ya Nivîskar û Rojnamevanên Kurd li Sûriyê ve, xelata Helbestvan Rêncber serbarî hejmarek xelatên din wergirt.
- 3 dîwanên wî yên çapkirî hene: (GOVENDEK HELBEST - LANDIKA HELBESTAN - BÛKA HELBESTAN).
- Di 29ê Mijdara 2023yan ji ber xebata wî di warê çand û wêjeyê de, ji aliyê ”Dezgeha Parastina Ala Kurdistanê” ve hat xelatkirin.
Li Rojavayê Kurdistanê bi xakê hat spartin.
