Trump fermana bidawîkirina sizayan îmze dike û Sûriyê jî pêşwaziyê dike

Welat TV - Hewlêr

Serokê Emerîka Donald Trump fermana bicîkar derbarê bidawîkirina bernameya sizayên li ser Sûriyê Îmze kir.

Ferman, sizayan li ser Beşar El-Esed û hevparên wî dihêle, û Wezîrê Derve yê Emerîka Marco Robio raspardiye ji bo nirxandina çawaniya ragirtina sizayan bi awayekî beşkî yan giştî bi mercê pêkanîna hin merc û pîvanên destnîşankirî.

Koşka Spî di daxuyaniyekê de got: Rêveberiya Emerîkî dê çavdêriya pêşketinê di doseyên sereke de bike:

*Asayîkirina li gel Israîlê û jinavbirina Terorê

*Dersînorkirina terorîstên Filistînî

*Birêvebirina navendên girtina Endamên Rêxistina DAIŞ li bakurê rojhilatê Sûriyê

Wezîrê Derve yê Emerîka Marco Rubio got: Rêkarên hatî standin dibin destpêka werzekî nû ji bo miletê Sûriyê re.

*Sûriyê pêşwaziyê dike 

Wezîrê Derve yê Sûriyê Es’ed El-Şêbanî got: Em pêşwaziyê li rakirina beşê herî mezin ji bernameya sizayên Emerîkî li ser Sûriyê dikin û biryar xaleke guherînê ya girîng e.