Serok Barzanî: Em ê kar ji bo serxistina piroseya aştiyê li Turkiyê bikin

Welat TV - Hewlêr

Serok Mesûd Barzanî da zanîn ku gavên di piroseya aştiyê de li Turkiyê hatine avêtin girîng in û ew ê kar ji bo serxistina wê piroseyê bike.

Serok Barzanî ev yek di civînekê de li gel şanda Dem Partî li Hewlêrê ragihand û diyar kir ku 10 sal ji danûstandinan baştir in ji demjimêrekê ji cengê.

Serok Mesûd Barzanî got ku pirsgirêk bi şer û tundûtûjiyê çareser nabin û divê xebata siyasî û diyalogê werin hilbijartin.

*Serdana Ocelan

Ji aliyê xwe ve şanda Dem partî ya ku serdana Herêma Kurdistanê kir û di merasîmên çekdanîna yekem grûpa PKKê de beşdarî kir, rola serok Barzanî di piroseya aştiyê de bilind nirxand.

Şandê serok barzanî vexwend bo serdana serokê PKKê Ebdilah Ocelan, û Serok Barzanî da zanîn ku ew ê di rewşeke guncaw de serdanê encam bide.

*Her weha bixwîne: PKK dest bi danîna çekan dike