Dergehê Keseb ê sînorî bi Turkiyê re ji ber agirê Laziqiyê hat girtin

Welat TV - Hewlêr

Dergehê Keseb ê sînorî ji ber berdewamî û belavbûna agirê daristanên parêzgeha Laziqiyê hat giritn.

Rêveberê Peywendiyan ê Desteya Giştî ya Xalên Sînorî yên Bejayî û Deryayî Mazin Elûş ragihand, ji ber beavbûna agirê daristanên Laziqiyê dergehê Keseb ê sînorî bi Turkiyê re hat girtin.

Elûş diyar kir, ji ber nêzîkbûna agir ji dergehê, biryar ji aliyê Turkiyê ve hat dan û dergeh bi awayekî demkî were girtin.

Wezîrê Hewarçûn û Karesetan ê Sûriyê Ra’id El-salih da zanîn, ji ber rabûna bayekî bihêz û teqîna paşmayên şer agir careke din belav û berfireh bû.

*Agir di roja 10an de ye

Wezîrê Hewarçûn û Karesetan dawîn amarên ziyanên agirê daristanên Laziqiyê ku di roja 10an de ye eşkere kir û got ta niha bêtirî 15 hezar hiktarî ji daristanan şewitîne.

Helwesta şêniyên deverê, derbideriya ji ber şewatê, gihiştina alîkariyan di vê lînkê de bixwîne: Agirê Lazqiyê di roja 8an de ye