UN banga vekirina lêkolînê derbarê kuştin û binpêkirinên li Siwêdayê dike
Welat TV - Hewlêr
Netewên Yekbûyî daxwaz ji Hikûmeta veguhêz a Sûriyê kir ku sizadan û dadmendiyê derbarê operasyonên kuştinê û binpêkirinan li Siwêdayê gerentî bike.
Volker Turk Komîserê UN bo mafên mirovan di daxuyaniyekê de got ku divê rijandina xwînê û tundûtûjî rawestin, û tevaya xelkê li gor yasaya navdewletî ya mafên mirovan werin parastin.
Turk tekez kir jî ku "divê lêkolînên serbixwe, zelal û bilez derbarî tevaya karên tundûtûjiyê werin encamdan û tevaya berpirsên van binpêkirinan werin sizadan".
Li gorî Nivîsgeha Mafên Mirovan ya Netewên Yekbûyî, "belgeyên piştrastkirî" derbarê binpêkirinên berfireh hene û operasyonên kuştina meydanî ku "Hêzên Ewlekarî û çekdarên din, di nav de yên Durzî û êlan hene" li xwe digirin.
#Syria: Credible reports indicate widespread violations & abuses, including summary executions & arbitrary killings in Suweida.
— UN Human Rights (@UNHumanRights) July 18, 2025
The interim authorities must ensure accountability & justice. Those responsible must be held to account. Revenge and vengeance are not the answer.