Çekdarên "Feyleq Elşam" daran li gundekî Efrînê dibirin û zeviyan dikolin

Welat TV - Hewlêr

Grûpeke çekdar a "Artêşa Niştîmanî" li gundekî Efrîna Rojavayê Kurdistanê daran dibirin, û bi alavên giran zeviyan dikolin û li zêr û perçeyên kevnar digirin.

Jêderekê ji gund ji Welat TV re îro 18ê Sibata 2024an ragihand: li Gundê Şingêlê yê navçeya Raco, çekdarên "Feyleq Elşam" darên çiyayî yên gund dibirin û bazirganiyê pê dikin.

Jêderê da zanîn: Ji bilî daran, bi alavên mezin û giran zeviyan dikolin da ku perçeyên kevnar derxînin.

Çekdarên Feyleq Elşam grûpeke ser bi Artêşa Niştîmanî ya oposizyona Sûriyê ve ye, destê xwe daniye ser wî gundî û çen gundên derdorê. Şêniyên gund ji kiryar û binpêkirinên wan dinalin.

Bajarê Efrînê, 7 navçe û gundên wê niha di bin destê Turkiyê û çekdarên "Artêşa Niştîmanî" ya oposizyona Sûriyê de ne, ji 18 Adara 2018an ve ji destê Partiya Yekîtiya Demokratîk PYDê derketiye.