Fransa banga sizadana tawankaran û parastina pêkhateyan li Sûriyê dike

Welat TV - Hewlêr

Fransa pêşwazî li agirbesta Siwêdayê kir û banga sizadana encamderên tawanan û parastina hemû pêkhateyan li Sûriyê kir.

Wezareta Derve ya Fransa di daxuyaniyekê de da zanîn ku ew pêşwaziyê li agirbesta Siwêdayê dike û ji hemû aliyan xwest ku bi agirbestê pabend bin.

Wezaretê got jî ku divê şer û tundûtûjî bi awayekî yekser raweste da ku alîkariyên mirovî bigihin Siwêdayê.

*Divê mafê pêkhateyan parastî be

Daxuyaniyê bang li hikûmeta Sûrî û berpirsên li Siwêdayê kir ku careke din diyalogê bikin da ku bigihin rêkeftinekê ji bo bicîkirina aramiyê li Sûriyê.

Wezareta Fransî diyar kir ku divê hikûmeta Sûrî ewlehî û mafên hemû pêkhateyên Sûriyê gerentî bike û encamderên tawanan dadgeh bike.

*Her weha bixwîne: Barrack: Divê Hikûmeta Sûriyê berpirsayetiya xwe hilgire