Konfedrasyona Revenda Kurdistanî doza kurdî li Rojavayê Kurdistanê digihîne welatên zilhêz

Welat TV – Hewlêr

Di hevdîtinekê de, serokê Konfedrasyona Revenda Kurdistanî, 12 Adara 2024an, tekezî li ser amadekariya xwe bo gihandina doza kurdî li Rojavayê Kurdistanê li ser maseyên navdewletî li welatên Rojavayî kir.

Daxuyaniyên Serokê Konfedrasyona Revenda Kurdistanî Ismaîl Kamil di çarçoveya hevdîtinekê li gel her du endamên Polîtbîroya Partiya Demokrata Kurdistan - Sûriya, Dr. Ebdulhekîm Beşar û Seîd Omer hatin.

Her du aliyan girîngiya hevkarî û hemahengî di navbera Konferasyona Revenda Kurdistanî û Partiya Demokrata Kurdistan – Sûriya gotûbêj li derveyî welêt tekez kir.
.
Di hevdîtinê de, behsa pêşhateyên dawî li Rojavayê Kurdistanê hat kirin, serokê Konferasyona Revenda Kurdistanî tekezî li pêwîstiya gihandina doza kurdî li Rojavayê Kurdistanê bo welatên zilhêz kir.

Her du aliyan amaje bi pêwîstiya bihêzkirina peywendiyan navbera Konferasyona Revenda Kurdistanî û Partiya Demokrata Kurdistan - Sûriya bo pêşxistina doza kurdî kir. Her du endamên Polîtbîroya Partiya Demokrata Kurdistan - Sûriya, Dr. Ebdulhekîm Beşar û Seîd Omer kar û tevgera komfedrasoyê bilind nirxandin, ku weke şoreşeke nû bo bidestxistina mafên gelê kurd kar dike.