Rêbenda Dêr Hafirê rê neda 10 bolman ji Cizîra Rojavayê Kurdistanê biçin Helebê

Welat TV - Hewlêr

Hêzên Hikûemta Sûriyê 10 bolmanên xwendevan û nexweşên Kurd ku di xwestin ji Cizîra Rojavayê Kurdistanê biçin Helebê vegerandin.

Li gorî zanyariyên Welat TV, îro Şemiyê dema ku 10 bolmanên tejî xwendevan û nexweş dixwest ji Cizîra Rojavayê Kurdistanê biçin Helebê, li rêbenda Dêr Hafirê hatin rawestandin û xwendevan ji bolmanan anîn xwar.

Nêzîkî 150 xwendevanî bi yek bolmanê bo Helebê hatin şandin û yên din jî hatin vegerandin.

Xwendevanekî ku nexwest navê wî were eşkerekirin ji Welat TV re got ku berpirsê wê rêbendê "Ebû Qusey" rê neda hemû xwendevan derbas bibin û dema ku xelkê nerazîbûn nîşan da "gule bi ser wan de hatin avêtin û neçar bûn ku careke din vegerin".

Ev demeke ji ber şer û aloziyên di navbera HSD û hêzên Hikûmeta Sûriyê de, rê li pêşiya welatiyên sivîl tên girtin.