Şerûpevçûn li Siwêdayê derketin, kuştî û birîndar hene

Welat TV - Hewlêr

Şerûpevçûn li li gundewarê bakurê parêzgeha Siwêdayê derketin û kuştî û birîndar hene.

Jêderên xwecihî da zanîn ku di êrîşa dronekê de, li bereya Silîm - Etîl li bakurê Siwêdayê, welatiyekî canê xwe ji dest daye û 5 birîndar bûne.

Li gorî jêderan, ew kes sivîl bûn û dron ji aliyê hêzên hikûmeta Şamê ve hatibûn şandin.

Ragihandina nêzîkî hikûmeta Sûriyê jî ragihand ku di êrîşeke grûpên çekdar de li gundewarê Siwêdayê endamekî ewlehiya giştî hate kuştin û 2 birîndar bûn.

Her dem û demekê agirbest li Siwêdayê tê binpêkirin û êrîş li bakur û rojavayê parêzgehê derdikevin.

Her weha bixwîne: Bekûr: Nûçeyên derbasbûna hêzên hikûmeta Sûriyê bo Siwêdayê dûr ji rastiyê ne