Hevkariya Kendavê banga rûbirûbûna tundrewiyê û girtina rêzê li pirengiyê li Sûriyê dike
Welat TV - Hewlêr
Encûmena Hevkariya Welatên Kendavê karên tundûtujiyê li Sûriyê şermezar kirin û got ku rêkeftina 10ê Adarê ya HSD û Hikûmeta Sûriyê "yekîtiya niştîmanî pêk tine".
Encûmena Hevkariya Kendavê di beyanameya dawîn a gera 46an a Encûmena Bilind de got ku ew tekeziyê li ser giringiya girtina rêzê li serweriya Sûriyê û yekbûna xaka wê dike û destwerdanên derekî di karûbarên wê yên navxwe de red dike.
Her weha tekezî li ser giringiya rûbirûbûna terror, tevlîhevî û tundrewiyê û girtina rêzê li pirengiyê li Sûriyê kir û tevaya karên tundûtujiyê li Sûriyê şermezar kirin.
*Rêkeftina 10ê Adarê û Nexşerêya Siwêdayê
Encûmena Hevkariya Kendavê got ku ew pêşwaziyê li rêkeftina 10ê Adarê ya tevlîbûna tevaya dezgehên sivîl û leşkerî li "Bakurê Rojhilatê Sûriyê" di nava dezgehên dewletê de dikin:
"Ev yek dê yekîtiya niştîmanî û pêkvejiyanê li Sûriyê pêk bîne".
Li aliyekî din pêşwazî li ragihandina Hikûmeta Sûriyê ji nexşerêya çareserkirina rewşa Parêzgeha Siwêdayê re kir.
Encûmena Hevkariya Kendavê got jî ku ew tevaya êrîş û binpêkirinên Israîlê li Sûriyê şermezar dike.