Salvegera 50 ya koçbarkirina Mele Ehmedê Namî.. Kurtejiyan û berhemên wî nasbike

Welat TV - Hewlêr

50 sal di ser koçbarkirina wêjevan û helbestvanê Kurd Mele Ehmedê Namî re derbas dibin.

Namî yek ji wêjevanên Kurd ên xwedî kedeke berçav û diyar e.

*Kurtejiyan

Mele Ehmedê Namî di sala 1906an de li gundê Erbetê yê Nisêbînê li Bakurê Kurdistanê ji dayik bûye.

Di temenekî biçûk de li hicrikê feqihan dest bi xwendinê kir, û li hicrikên Amûdê, Xezna, Girê Siwêr û Til Şe'îra Aşîta li Rojavayê Kurdistanê xwendina xwe berdewam kir.

Têkiliya wî bi rewşenbîrên Kurd yên wê demê re xurt bû, nexasim bi zimanzan Mîr Celadet Bedirxan re. Gelek helbest û nivîsên xwe di kovarên "Hawar û Ronahî" de weşandin.

Mele Ehmedê Namî xwe weke berpirsyarê fêrkirina zZimanê Kurdî didît û ciwan û kal fêr kirin, û helbetên wî jî niştîmanî bûn.

Her weha doza vekirina dibistaneke taybet bi keçan li gundê Til Şe'îr kir û piştî hewlan di sala 1951ê de dibistaneke taybet bi keçan li gund vebû.

Namî Kurdperwer û xebatkarekî çalak bû, tevlî Komeleya Xoybûn bû û tê de bû berpirs û ji ber xebata xwe gelek caran hatiye zîndankirin.

*Berhemên wî û koçbarkirin

Di navbera çapkirî û neçapkirî de 5 berhemên Mele Ehmedê Namî hene, ew jî ev in:

-Dîwaneke helbestî bi navê "Daxwazname".

-Pirtûka "Agirê Sînemaya Amûdê".

-Ferhenga Kurdî Erebî.

-Rêzimana Kurdî.

-Hin ji bîrhatyinên wî bi nave "Çiko Li Bîr im".

Mele Ehmedê Namî di 11 Berçileya sala 1975an de li bajarê Qamişlo yê Rojavayê Kurdistanê koça dawî kir