Trump pêşwazî li termên serbazên Emerîkî yên li Sûriyê hatî kuştin kir

Welat TV - Hewlêr

Trump beşdarî di merasîmên pêşwazîkirina termên serbazên Emerîkî yên li Tedmurê hatî kuştin,kir.

Duh Çarşmê, serokê Emerîka Donald Trump li bingeha Dover a esmanî li wîlayeta Delaware, beşdarî di merasîmên pêşwazîkirina termên 2 serbaz û wergêrekî Emerîkî yên ku li biyabana Tedmurê ya Sûriyê hatibûn kuştin, kir.

*Kuştina serbazên Emerîkî

Roja 13ê vê mehê dema civîna serbazên Emerîkî û Sûrî li Tedmurê, endamekî hêzên ewlekariya Sûriyê gule avêtin wan û 2 serbaz û wergêrekî Emerîkî kuştin, û 3 serbazên din birîndar bûn.

Pişte Hikûmeta Sûriyê got ku ew endamê wan "hilgirê hizrên tundrew bû û biryar hatibû dayîn ku ji kar were dûrxistin".

Trump jî di daxuyaniyekê de gotibû ku "tu peywendiya serokê Sûriyê Ehmed El-Şeri'" bi êrîşa li ser hêzên Emerîkî nebû û rêxistina DAIŞê ya terorîst ew êrîş encam daye.

►Her weha Bixwîne.. Hêzên Emerîkî helmetek li Tedmurê encam da û hejmarek kes girtin