Tekezî li ser rûbirûbûna terorê.. Helwestên navdewletî derbarê teqîna Mizgefta Himsê

Welat TV - Hewlêr

Teqîna mizgefa Îmam Elî li taxa Wadî El-Zeheb ya Elewînişîn karvedanên herêmî û navdewletî li pey xwe anîn, û hemû aliyan ev teqîn şermezar kir û daxwaza sizadana encamderan kir.

Sekretêrê Giştî yê Neteweyên Yekgirtî Antonio Guterres got ku êrîşkirina ser sivîlan û perestgehên olî bi tu awayî nayê qebûlkirin û divê encamderên vê kiryarê werin destnîşankirin û sizadan.

Guterres sersaxî ji malbatên qurbaniyan û hêviya selametiyê ji birîndaran re xwest.

*Yekîtiya Ewropa

Serokê Şanda Yekîtiya Ewropa bo Sûriyê Michael Ohnmacht li ser pilatforma "X' got ku ew êrîşa li ser mizgefta li Himsê şermezar dikin û êrîşên dijî sivîl û perestgehan qebûl nakin.

Ohnmacht diyar kir jî ku Yekîtiya Ewropa hevxemê qurbanî û malbatên wan e û dê ji bo bihêzkirina aştiyê piştevaniya xelkê Sûriyê bikin.

*Helwesta Fransa

Wezareta Derve ya Fransa jî ev teqîn şermezar kir û got ku armanca vê êrîşê têkdana ewlekarî û aramiya Sûriyê ye.

Her weha tekez kir ku Fransa li gel hevalbendên xwe di Hevpeymaniya Navdewletî de dê di şerê dijî terorê de li Sûriyê û di piştevaniya proseya siyasî de, berdewam be.

Ji aliyê xwe ve, Encumena Hevkariya Kendavê, Îraq, Urdin, Libnan, Si'ûdiyê û Turkiyê û hejmareke welatên din yên herêmî û cîhanê teqîna li Himsê şermezar kir, û hemûyan hevxemiya xwe ragiahnd û tekezî li ser rêkarên rûbirûbûna terorê kir.

►Her weha bixwîne.. 26 kuştî û birîndar.. Teqînek di nava mizgeftekê de li bajarê Himsê çêbû