Malbatek banga diyarkirina çarenivîsa kurê xwe dike: "ji 7 salan ve wenda ye"

Welat TV - Hewlêr 

Ciwanekî Kurd ê herêma Efrîna Rojavayê Kurdistanê ji sala 2018an ve wenda ye, malbata wî banga diyarkirina çarenivîsa wî dike.

Arif Izet Osman, birayê ciwanê wendayî yê bi navê Mihemed e ji Welat TV re got ji sala 2018an ve, Mihemed wenda ye, û ta niha agahî û zanyarî li ser tune ne.

Malbata wî di rêya Welat TV re bang li rêxistinên mafê mirovan û aliyên berpirs kir û banga diyarkirina çarenivîsa wî kir.

Malbata got her kesek zanyariyan li ser zanibe, wan agahdar bikin û xwest peywendiyê bi vê hejmarê re bikin: 00436766813862

Mihemed Osman ji şêniyên gundê Ereba yê navçeya Mabeta ye, jidayîkbûyê 1983yan e û weke terzî kar dikir.