3 kes bûne qurbaniyên binavbûna qeyikekê li Beravên Tertûsê

Welat TV - Hewlêr

Sê kes di encama binavbûna qeyikekê de li nêzîkî beravên Tertûsê li Sûriyê xeniqîn.

Berevaniya Sivîl a Sûriyê da zanîn ku qeyikeke nêçîrê ku 5 kes li xwe digirtin li devera di navbera berava Tertûsê û girava Arwadê de wergeriya.

Di encamê de 3 kesan canên xwe ji dest dan û termên wan bo nexweşxaneya Tertûsê hate veguhestin.

Berevaniya Sivîl da zanîn jî, ku 2 kesên din ên di wê qeyikê de hatin rizgarkirin.

Li gorî zanyariyên destpêkî, ew qeyik ji ber bilindbûna pêlên deryayê wergeriyaye.