Yekîtiya Ewropa pêşwaziyê li rêkeftina HSD û Hikûmetê dike

Yekîtiya Ewropa pêşwaziyê li rêkeftina HSD û Hikûmetê dike

Welat TV - Hewlêr

Yekîtiya Ewropa pêşwazî li rêkeftina HSD û Hikûmetê kir û banga parastina mafên tevaya miletê Sûriyê kir.

Enwer El-Enûnî berdevkê fermî yê Yekîtiya Ewropa bo Karûbarên derve û siyaseta ewlehiyê di daxuyaniyekê de got, yekîtiya Ewropa Pêşwaziyê li rêkeftina di navbera desthilatdariya Sûriyê ya veguhêz û HSD de dike û ew bang li hemû aliyan dikin ku vê rêkeftinê bi niyazên pak bi cî bikin.

Navbûrî, da zanîn, rawestiyana karên tundiyê gelek pêwîst e ji bo gihandina alîkariyên mirovî, parastina Sivîlan û vegera derbideran.

*Gerentîkirina mafan

Li gorî daxuyaniya berdevkê Yekîtiya Ewropa, aramiya bakurê rojhilatê Sûriyê hêmaneke sereke ye ji bo serkeftina veguhestina siyasî ya giştgir û gerentîkirina mafên tevaya miletê Sûriyê.

Enwer El-Enûnî bang li tevaya aliyan kir ku ewlehiya kampan û girtîgehan were gerentîkirin û kar ji bo qedexekirina vegera DAIŞa terorist were kirin.

►Her weha bixwîne: 

Mezlûm Ebdî: Artêşa Sûriyê derbasî deverên Kurdî nabe

Wezîrê Ragihandinê yê Sûriyê: Zeviyên petrolê, dergeh û balafirxane tên radestkirin