Berbijêrê HSD bo posta parêzgarê Hesekê dest bi dewamê kir

Welat TV - Hewlêr

Berbijêrê HSD bo posta parêzgarê Hesekê li avahiya parêzgehê dest bi dewamê kir û li gel berpirsê Ewlehiya Navxwe ya parêzgehê civiya.
  
Îro berbijêrê HSD bo posta parêzgarê Hesekê Nûredîn Ehmed ji avahiya parêzgehê dest bi dewamê kir, û di heman demê de ala Sûriyê li ser avahiya parêzgehê hat bilindkirin.

Berpirsê Ewlehiya Navxwe ya parêzgeha Hesekê Merwan El-Elî jî amade bû. Herdu aliyan civîneke girtî encam da.

Piştî civînê Merwan El-Elî di kongireke rojnamevanî got ku rêkeftina di navbera Hikûmeta Sûriyê û HSD de gav bi gav bi rê ve diçe.

Got jî: "Dergehê Sêmalka wê di bin kontrola hHikûmetê de be. Hemû derbider dê li cî û warên xwe vegerin".