El-Şeri’ li gel şandekê ji parêzgeha Hesekê civiya

Welat TV - Hewlêr

El-Şeri' li gel şandekê ji parêzgeha Hesekê civiya û dawîn pêşhate gotûbêj kirin.

Rêveberiya Ragihandina Hesekê da zanîn ku serokê Sûriyê bo Qonaxa Veguhêz Ehmed El-Şeri' û bi amadebûna wezîrê derve Es'ed El-Şeybanî li gel şandekê ji parêzgeha Hesekê civiya.

Şand bi serokatiya Ebas Hisên rêveberê karûbarên siyasî li Hesekê bû.

Di civînê de rewşa siyasî, ewlehî û xizmetguzariyê li parêzgehê hate gotûbêjkirin.

Her weha tekezî li ser giringiya karê hevbeş di navbera hemû çalakiyan de hate kirin, ji bo dîtina çareseriyên berdewam û başkirina rewşa jiyanê û peydakirina aramiyê li Hesekê.