Rubio tekeziyê li ser pabendbûna Emerîka bi piştgiriya Herêma Kurdistanê dike

Welat TV - Hewlêr

Emerîka tekezî li ser pabendbûnê bi piştgiriya Herêma Kurdistanê û Pêşmerge kir.

Serokê Hikûmeta Herêma Kurdistanê Mesrûr Barzanî û wezîrê derve yê Emerîka Marco Rubio pêwendiyeke telefonî encam da.

Hikûmeta Herêma Kurdistanê di daxuyaniyekê de ragihand ku di pêwendiyê de Rubio ji ber şehîdbûna hejmarek Pêşmerge sersaxî xwest û hêviya çakbûna bilez bo birîndaran kir.

Her weha dubare tekezî li ser pabenbûna Emerîka bi piştgiriya Herêma Kurdistanê û Hêzên Pêşmerge kir.

Ji aliyê xwe ve jî serokê Hikûmeta Herêma Kurdistanê spasiya wezîrê derve yê Emerîka li ser pêwendî û hevsoziyê kir.

Di mijareke din a gotûbêjan de, herdu aliyan pêwendiyên Herêma Kurdistanê û Hikûmeta Fedral a Iraqê û astengiyên abûrî gotûbêj kirin.