Dergehê Cideydit Yabûs - Mesne’ di navbera Sûriyê û Libnanê de hate vekirin

Welat TV - Hewlêr

Dergehê Cideydit Yabûs – Mesne’ yê di navbera Sûriyê û Libnanê de ku dikeve gundewarê Şamê, dubare hate vekirin.

Desteya Giştî ya dergeh û gumrikê ya Sûriyê ragihand, ku ji sibeha îro Pêncşemê ve, û piştî nemana metirsiyan ku ji ber wan hatibû girtin, Dergehê Cideydit Yabûs dubare hate vekirin.

*Gefên bombebarankirinê

Di rojên bûrî de Israîlê gefên bombebarankirina Dergehê Mesne’ xwaribû, ji ber vê yekê jî Hikûmeta Libnanê tevger rawestand, û aliyê Sûriyê jî rawestand.

Artêşa Israîlê gotibû Hizbulah Dergehê Mesne’ ji bo çalakiyên leşkerî bi kar tîne. Rêvebirê Dergehê Cideydit Yabûs jî ragihandbû ku dergeh xizmeta tu çalakiya leşkerî nake.