Zarokek di Çemê Efrînê de xeniqî û hîn termê wî nehatiye dîtin

Welat TV - Hewlêr

Zarokekî 8 salî di çemekî avê de li Herêma Efrîna Rojavayê Kurdistanê xeniqî û hewlên dîtina termê wî berdewam in.

Îro zarokek di Çemê Efrînê de li nêzîkî gundê Til Silûr xeniqî û termê wî ber avê çû.

Jêderên Welat TV da zanîn ku hewlên dîtina termê wî zarokî ji aliyê tîmên Berevaniya Sivîl a Sûrî ve berdewam in lê hîn nehatiye dîtin.

Ew zarok ji gundê Hec Iskender e yê li navçeya Cindrêsê li Herêma Efrînê.