Lehiyên li Sûriyê qurbanî xistin û ziyanên madî yên mezin tomar kirin
Welat TV - Hewlêr
Barana zêde û rabûna lehiyan li deverên cuda yên Sûriyê, bûne sedema ziyanên canî û madî û girtina hejmarek rêyan.
Li Şeva bûrî li Dêra Zorê, Reqa, Hema, Idlib û Helebê baraneke zêde bariya û lehî rabûn.
Li gorî zanyariyan, ji ber rewşa keşûhewayê û barana zêde, bûyereke çûnûhatinê li ser rêya Dêra Zorê û Şamê çêbû, di encamê de hejmarek kesan canên xwe ji dest dan û birîndar jî hene.
*2 zarok bûne qurbanî
Li Reqa û Hemayê rê hat girtin, li gorî jêderên xwecihî li Hemayê bi sedema lehiyan 2 zarokan canên xwe ji dest dane.
Li devera Şêx Hilal ya Rojhilatê Hemayê lehî rabûn û di encamê de rêya Esrya – Reqa hate girtin û hejmarek otombîl û barhilgir li ber lehiyan çûn.
Ta niha Berevaniya Sivîl amarên fermî yên qurbaniyan belav nekirine.