Penaberekî Sûriyê li Libnanê bi kêran hat kuştin

Welat TV - Hewlêr

Li Libnanê penaberekî Sûriyê 28 Nîsanê bi destê welatiyekî Libnanê hat kuştin.

Çalakvan Mistefa Şêxo ji Welat TV re got: Duh bi şevê li taxa Dewra ya Beyrûtê, penaberekî Sûriyê bi destê welatiyekî Libnanê hat kuştin.

Da zanîn: Navê wî Emar Elelî ye ji bajarê Ezazê yê gundewarê Helebê ye, bi regez tirkiman e.

Eşkere kir: Ji ber şerekî navbera wî û hejmareke welatiyên Libnanî de, bi kêran hat kuştin, ta niha sedema derketina şer ne diyar e.

Tekez kir: Girjî û nakokî li deverê bi giştî berdewam in, nijadperestên Libnanî dixwazin Sûriyan derxînin.

Beriya çend rojan li taxa Burc Hemûd a Beyrûtê, nijadperestên Libnanî êrîşî penaberên Sûriyê kir, rewşek levlîhevî dirust kir. Pişt re artêşê destêwerdan kir.