Rewangeha Sûrî: Vê mehê 30 kes di bûyerên ewlehiyê de li Sûriyê hatine kuştin

Welat TV - Hewlêr

Rewangeha Sûrî ya Mafên Mirovan diyar kir ku rêjeya bûyerên ewlehî û tundûtûjiya di nava civakê de li Sûriyê di dema dawiyê de zêde bûne û tenê ji destpêka vê mehê ve 30 kes ji ber bûyerên ewlehî li Sûriyê hatine kuştin.

Li gor rewangehê, qurbanî di bûyerên cuda de, mîna pevçûnên malbatan, tawanên kuştinê, û guleyên bêserûber û bûyerên din de hatine kuştin.

Rewangeha Sûrî hişyarî ji zêdebûna rêjeya bûyerên ewlehî û tundûtûjiyê da, û ji aliyên pêwendîdar xwest ku berpirsyatiya xwe di parastina sivîlan de hilgirin.

Rewangeha Sûrî ya Mafên Mirovan her weha daxwaz kir ku lêkolînên zelal û cidî di hemû bûyerên kuştinê de werin kirin, û hûrgiliyên wan werin eşkerekirin û encamder werin sizadan.