Kurdekî Rojavayê Kurdistanê bû parlamenterê wîlayeteke Elmanyayê

Welat TV - Hewlêr 

Kurdekî ji Rojavayê Kurdistanê di hilbijartinên parlamena wîlayeteke Elmanya de bi ser ket.

Mamed Mihemed Kurdekî Êzidî yê ji Efrîna Rojavayê Kurdistanê ye, di hilbijartinên parlamena Wîlayeta Saksonya Anhalt de bi ser ket û bû endamê parlamena wê wîlayetê.

Mamed berbijêrê Partiya Kesk bû, û di lîsteya parlamenî ya Partiya xwe de pileya çaremîn bi dest xist.

Mamed Mihemed jidayikbûyê Efrînê sala 1981ê ye û ji 1996an ve li Elmanya dimîne, ji kesayetiyên çalak e, di çalakiyên xwe de giringiyê dide jinavbirina nijadperestiyê û piştgiriya mafên koçberan.