Kongira Bruksel a 8an.. Zêdetirî 7 milyar Euro ji bo penaberên Sûrî hatin terxankirin

Kongira Bruksel a 8an.. Zêdetirî 7 milyar Euro ji bo penaberên Sûrî hatin terxankirin

Welat TV - Hewlêr

Duh 27ê Gulanê kongira 8an ji bo piştevaniya Sûriyê û deverê li Bruksel paytexta Belcîka hate lidarxistin, aliyên beşdar dê 7.5 milyar Euro ji bo alîkariya penaberên Sûrî pêşkêş bikin.

Yekîtiya Ewropa dê 2.17 milyar Euro pêşkêşî penaberên Sûrî bike her weha Berîtniya 208 milyon Jinêh Isterlînî û Qeter 75 milyon Dolar dê pêşkêş bikin.

Berepirsê Siyaseta Derve di Yekîtiya Ewropa de, Josep Borrell li ser rûpela xwe da zanîn, ”Rewşa Sûriyê tu carî ewqas xirab nebûye: pêwîstiya 70% ji xelkê Sûriyê bi alîkariyên mirovî heye, ku asta herî bilind e ji destpêka krîza ku beriya 13 salan dest pê kiriye".

Borrell amaje kir, em li gel Neteweyên Yekgirtî hevnêrîn in ku Sûriya hîn ne aram e ji bo vegera penaberan.

Her weha Balyozxaneya Emerîkî li Sûriyê ragihand, Emerîka dê 593 milyon Dolar pêşkêş bike û bi vê yekê gujmê alîkariyên Emerîka dibe derdora 17.8 milyar Dolar ji destpêka kirîza Sûrî ve.

Di Hizêrana 2023an de, welatên daner yên beşdar di kongira Bruksel a 7an de, 9.6 milyar Euro terxan kirin ji bo piştevaniya xelkê Sûriyê û welatên ku penaberên Sûrî lê dimînin.