NY: Penaberên vedigerin Sûriyê di bin metirsiya girtin û êşkenceyê de ne
Welat TV - Hewlêr
Di encama êrîşên Israîlê de li Libnanê, bi sedên hezaran welatî û penaber derbider bûne, û bi dehên hezaran ji wan berê xwe dane Sûriyê, û Neteweyên Yekbûyî tekez dike ku metrsî li ser penaberên vegeriyayî heye.
Komîteya Lêkolînan a Neteweyên Yekbûyî daye zanîn, ku "hejmareke mezin ji penaberên Sûrî neçar dibin ji Libnanê vegerin Sûriyê, û metrsî ji girtin, êşkence, Leşkerkirin, binçavkirin û ta bi kuştinê li ser wan hene".
Komîteyê banga li hemû aliyan kiriye, ku "pabendî bi yasayên navdewletî yên girêdayî mafên mirovan bibe, û jiyana penaberan were parastin".
Masses of newly displaced arrive in #Syria where humanitarian response plan is funded at meagre 25 percent despite civilian needs at record levels with many already displaced multiple times due to conflict.
— UN Syria Commission of Inquiry (@UNCoISyria) October 4, 2024
Latest @UNCoISyria report➡️https://t.co/jYZ2UpGmgP https://t.co/XEtQyaizmA
*185 hezar kes
Komisiyona Bilind a Penaberan a NY jî ji aliyê xwe ve diyar kiriye, ku "ji 23ê Êlûnê ve ta 3yê Cotmehê, bêtirî 185 hezar kesî ku piranaiyan wan welatiyên Sûrî ne ji Libnanê derbasî Sûriyê bûne".
*Girtina penaberên vegeriyayî
Tora Sûrî ya Mafên Mirovan di raportekê de roja Çarşemê eşkere kiriye, "Di Êlûnê de bêtirî 206 penaberî yên ku ji Libnanê vegeriyane Sûriyê hatine girtin".
li gorî Torê, "ji wan 128 kes ji aliyê Rêjîmê ve, 38 kes ji aliyê Grûpên Opizisiyonê ve, 21 li ser destê HSD û 19 ji aliyê "Desteya Tehrîr El-Şam" ve hatine girtin".
►Her weha bixwîne: Rêjîma Sûrî li Helebê welatiyekî Kurd ji Libnanê vegeriyabû girt