Serok Barzanî û Sûdanî pêşhateyên deverê gotûbêj kirin

Welat TV – Hewlêr

Serok Mesûd Barzanî û Serok Wezîrên Iraqê Mihemed Şeya Sûdanî li Hewlêrê civiyan.

Li gorî Baregeha Barzanî, her du aliyan pêşhateyên siyasî li Iraqê û deverê gotûbêj kirin.

Bihêzkirina peywendiyan

Baregehê da zanîn, di civînê de Barzanî û Sûdanî tekezî li ser avêtina gavên cidî ji bo bihêzkirina peywendiyan û hemahengiyên hevbeş navbera Hikûmeta Herêma Kurdistanê û Hikûmeta Iraqê kir.

Sûdanî serkeftina hilbijartinan pîroz dike

Baregeha Barzanî diyar kir, Sûdanî serkeftina hilbijartinên Perleman Kurdistanê pîroz kir û hêvî kir ku aliyên siyasî di zûtirîn dem de bigihin rêkeftinekê ji bo avakirina hikûmeteke nû.